हेटौंडा– हेटौंडामा जारी साहना प्रधान स्मृति महिला राष्ट्रिय हक्की प्रतियोगितामा तीन टोलीले सेमिफाइनलमा स्थान सुरक्षित बनाएका छन् ।

मंगलबार भएको खेलमा प्रदेश नम्बर ७ ले प्रदेश नम्बर १ लाई २–० गोलअन्तरले पराजित ग¥यो भने प्रदेश नम्बर २ र प्रदेश नम्बर ४ बीचको खेल गोलरहित बराबरीमा टुंगिएको छ । दुई खेलसँगै समूह ‘क’ बाट नेपाल आर्मी र प्रदेश नम्बर ७ ले अन्तिम दुईमा स्थान सुरक्षित गरेका छन् ।

अब आर्मी र ७ प्रदेश नम्बर ७ बीचको बुधबार हुने खेलबाट समूह विजेता र उपविजेताको टुंगो लाग्नेछ । यस समूहबाट प्रदेश नम्बर १ अंक विहीन रह्यो । ७ नम्बर प्रदेशको जितमा जानकी भट्टले ८ र निलम जोशीले २८ औं मिनेटमा गोल गरिन् ।

समूह ‘ख’ बाट ३ नम्बर प्रदेशले अन्तिम चारमा स्थान सुरक्षित ग¥यो । प्रदेश नम्बर २ र ४ को खातामा एक/एक अंक जोडेसँगै यस समूहबाट अघिल्लो चरणमा जाने अर्को टोलीको टुंगो लागेन । यस टोलीबाट अघिल्लो चरणमा जाने टोलीका लागि ३ नम्बर प्रदेश र ४ नम्बर प्रदेशबीचको खेल कुर्नुपर्ने भएको छ ।

प्रतियोगिताम नेपाल आर्मीसहित विभिन्न पाँचवटा प्रदेशको सहभागिता रहेको छ । प्रतियोगिता हेटौंडा–११ स्थित दङ्गा नियन्त्रण गणमा खेल भइरहेको छ । प्रतियोगिता लिगकम नकाउटको आधारमा सञ्चालन भइरहेको छ । नेपाल हक्की संघको आयोजनामा प्रतियोगिता भएको हो ।