आफ्नो सुरक्षाको लागी प्रहरीले चलाएको गोली लागेर सप्तरीमा एकको मृत्यु भएको छ । मोटरसाइकलाई रोक्न खोज्दा यो घटना भएको हो । रुपनीबाट राजबिराजतर्फ जाँदै गरेको मोटरसाइकलमा आएका दुई व्यक्तिले प्रहरीमाथि गोली चलाएपछि आफ्नो सुरक्षाको लागी प्रहरीले चलाएको गोलीबाट मोटरसाइकल चालक दीपेन्द्र चौधरीको गोली लागी घटनास्थलमै मृत्यु भएको प्रहरीले जनाएको छ ।
मोटरसाइकलमा पछाडि बसेका एक व्यक्ति भने फरार रहेको प्रहरीले जनाएको छ । प्रहरीलाई देख्ने वित्तिकै चौधरीले गोली प्राहार गरेको बाताएका छन् । मोटरसाइकलमा आएका समुहको गोली प्रहारपछि एक हवल्दार घाइते भएका छन् ।