सवारी दुर्घटनामा परी एक व्यक्तिको मृत्यु भएको छ । रुपन्देहीको देवदहमा टिपरको ठक्करले मोटरसाइकल चालकको मृत्यु हुन पुगेको हो ।

देवदह नगरपालिकाको घोडाहा र भलुहीबीचमा लु २ ख ३५४७ नम्बरको टिपरले लु ३२ प ८१४८ नम्बरको मोटरसाइकललाई ठक्कर दिँदा अन्दाजी २३ वर्षीय मोटरसाइकल चालकको मृत्यु भएको हो ।

शव क्षतविक्षत भएको कारणले पहिचान गर्न कठिनाइ भएको र उनको नाम, बखत नखुलेको प्रहरीले बताएका छन् । शवलाई पोस्टमार्टमका लागिबुटवलको लुम्बनी अञ्चल अस्पतालमा लगिएको जानकारी दिनुभयो ।