महाकाली नगरपालिका–२ दोधारा चाँदनीका २२ वर्षिय हरजित धामीको चिर्पट प्रहार गरि हत्या गरिएको छ ।

कालुसिह बोहराको विवाहको अघिल्लो दिन आईतबार राती उनको घरमा नाचिरहेका बेला महेश बोहराले धामीलाई चिर्पट प्रहार गरि हत्या गरेको स्थानीयले बताएका छन् । नाचिरहेका बेला धामी र बोहराबीच विवाद भएको र त्यही क्रममा बोहराले चिर्पट मार्फत धामीको टाउकोमा प्रहार गरेका थिए । उपचारका लागि सीमावर्ती भारतको तपन अस्पताल लैजाने क्रममा बाटोमा उनको मृत्यु भएको हो । घटनाबारे आवश्यक अनुसन्धान भइरहेको प्रहरीले जनाएको छ ।