हेटौंडा ४ स्थित नवोदय शिशु सदन विद्यालयले विद्यार्थीहरुको प्रतिभा प्रस्फुटनको लागि कफि सप नामक कार्यक्रम गरेको छ । साहित्यका विभिन्न विधासँग सम्बन्धित कार्यक्रममा ४० जना विद्यार्थीहरुले आफ्नो रचना वाचन गरेका थिए । कार्यक्रममा विद्यार्थीहरुले कथा, कविता, गीत, गजल लगायतका रचनाहरु अंग्रजी र नेपाली भाषामा प्रस्तुत गरेका थिए । कार्यक्रममा विद्यर्थीहरुका प्रतिभालाई सुन्न, हेर्न र मुल्याङ्कन गर्नका लागि साहित्य तथा गजलकार श्रीराम अधिकारी प्रमुख अतिथीका रुपमा सहभागीता जनाएका थिए भने कुनेढुङ्गो साप्ताहिकका प्रकाशक कार्यकारी सम्पादक जी. न्यौपाने अतिथीको रुपमा सहभागी थिए । अन्य अतिथिहरुमा विद्यार्थीका अभिभावकहरु सहभागी थिए । कफि सप कार्यकमले विद्यार्थीहरुलाई साहित्य रचनामा रुचि बढेको र व्यक्तित्वको पनि विकास भईरहेको र उनिहरुका रचनाहरु विभिन्न पत्रपत्रिकामा समेत प्रकाशन हुने गरेको विद्यालयका नेपाली शिक्षक तथा साहित्यकार सि.यम रिमालले बताए ।