हेटौंडा उपमहानगरपालिका ३ लेवटबाट भारत मोतिहारी बस्ने अन्दाजी २१ वर्षीय महमद एक्रमोदिन, २३ वर्षीय जाबेद आलम र २१ वर्षीया शान्तीदेबी आलमलाई अवैध लागूऔषध गाँजा करिब ४० केजी सहित मंगलबार बिहान प्रहरीलेजिल्ला प्रहरी कार्यालय मकवानपुरले लागु औषधसहित मकवानपुरबाट चारजना पक्राउ गरेको हो ।

प्रहरी चौकी लेवट मकवानपुरबाट खटिएको प्रहरीले मनहरीबाट हेटौंडातर्फ जाँदै गरेको बिआर २९ बि ४५८१ नम्बरको भारतीय कार जाँच गर्ने क्रममा पछाडिको सिटमुनि लुकाई राखेको उक्त लागूऔषध सहित फेला पारी कारमा सवार चारजनालाई पक्राउ गरेको हो ।

यसैगरी मकवानपुर, हेटौंडा उपमहानगरपालिका १५ पिपल चौतराबाट चितवन भरतपुर महानगरपालिका १८ भुवनबस्ती बस्ने ३१ वर्षीय अर्जुन थापा मगरलाई नियन्त्रित लागूऔषध नाईट्रोभेट १ हजार २ सय एम्पुल, स्पास्मो प्रोक्सिबन प्लस ४५ पिस र कोरेक्स २ पिस सहित सोमबार दिउसो प्रहरीले पक्राउ गरेको छ ।

ईलाका प्रहरी कार्यालय पशुपतिनगर मकवानपुरबाट खटिएको प्रहरीले वीगंजबाट हेटौंडातर्फ जाँदै गरेको ना.७ ख ९०३५ नम्बरको बस जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो ।