मातृभूमिद्वारा साहित्यकार तुल्सी थापा अभिनन्दित
गुगलपाटी संवाददाता
हेटौंडा– मातृभूमि साहित्य समाज मकवानपुरले मकवानपुरका अग्रज साहित्यकार तुल्सी थापालाई अभिनन्दन गरेको छ ।
बुधबार एक कार्यक्रमकाबीच कवि, नाटककार तथा कथाकार थापालाई अभिननन्दन गरेको हो । लामो समयदेखि साहित्य साधनामा लागि मकवानपुरे तथा देशकै साहित्यिक तथा सामाजिक क्षेत्रमा महत्वपूर्ण योगदान गरेको भन्दै ७३ वर्षीय थापालाई अभिनन्दन गरिएको हो ।
कार्यक्रममा सहभागी साहित्यकारहरुले थापाले गरेका योगदानको बारेमा चर्चा परिचर्चा गरेका थिए । कार्यक्रममा मातृभूमि साहित्य समाजका उपाध्यक्ष कृष्ण प्रसाद दाहाल, पत्रकार महासंघ ३ नं प्रदेश अध्यक्ष प्रताप विष्ट, समालोचक घनश्याम घिमिरेले साहित्यकार थापाको योगदान वारे चर्चा गरेका थिए ।
मातृभूमि साहित्य समाज मकवानपुरका अध्यक्ष माधव पोखरेलको अध्यक्षतामा भएको कार्यक्रममा चितवनका वरिष्ठ साहित्यकार एल वि क्षेत्रीको प्रमुख आतिथ्यता रहेको थियो । कार्यक्रममा साहित्यकार ह्याग्रीव आचार्य, पुष्प पराग, निमेष निखिललगायतले थापाको योगदानको बारेमा भनाइ राखेका थिए ।
