हेटौँडा – कान्तिलोकपथ अन्तरगत हेटौँडा–५ माछा प्लानमा बिहीबार साँझ भएको मोटरसाइकल दुर्घटनामा एक युवकको मृत्यु भएको छ।

मृत्यु हुनेमा हेटौँडा–१८ हर्नामाडि ठूलोदमारका करिब ३० वर्षीय राजेश श्रेष्ठ रहेको जिल्ला प्रहरी कार्यालय मकवानपुरले जनाएको छ।

हेटौँडाबाट चौघडातर्फ जाँदै गरेको ना ३७ प १२३२ नम्बरको मोटरसाइकल र ट्याक्टर ठोक्किएको जनाइएको छ। दुर्घटनामा घाइते श्रेष्ठलाई उपचारका लागि हेटौँडा अस्पताल लगिएकोमा चिकित्सकले मृत घोषित गरेका थिए। घटनाबारे अनुसन्धान थालिएको प्रहरीले जनाएको छ ।