नेपाल र युएईबीच तीन टी-२० क्रिकेट सिरिज अन्तर्गतको अन्तिम टी(२० खेल आइतबार हुदै छ । दुबईस्थित आइसीसी एकेडेमीमा हुने खेल अब सिरिजको फाइनल खेल बनेको छ । खेल आइतबार नेपाली समय अनुसार २ बजेर ४५ मिनेट जाँदा सुरु हुने छ ।

यसअघि भएको पहिलो खेलमा युएईले नेपाललाई २१ रनले पराजित गर्यो । त्यस्तै दोस्रो खेलमा नेपालले शानदार कमब्याक गर्दै युएईमाथि ४ विकेटको जित हासिल गर्दै सिरिज १-१ ले बराबरी गर्यो । नेपालको युएई टुरमा खेलेको एकदिवसीय खेलमा पनि अवस्था यस्तै नै थियो । अन्तिम एकदिवसीय खेलमा नेपालले जित हासिल गर्दै सिरिज कब्जा गरेको थियो । अब नेपालले सोहि प्रदर्शन दोहोराउदै टी-२० सिरिज कब्जा गर्नुपर्ने भएको छ ।

नेपाल र युएईबीचको एकदिवसीय र टी-२० सिरिजका सबै खेलको प्रत्यक्ष प्रशारण dubai sports City युट्युब च्यानलबाट प्रत्यक्ष प्रशारण भैरहेका छन् ।