हेटौंडा– मञ्जुश्री सम्वत् २८५५ औ सोनाम ल्होसार फाग ल्हो (बँदेल वर्ग) को अवसरमा बौद्ध सेवा समाज मकवानपुरको आयोजनामा हेटौंडा–१५ कमाने÷भोर्लेमा आइतबार ल्होसार विशेष शुभकामना आदन प्रदान तथा चियापान कार्यक्रम भएको छ ।

कार्यक्रममा सहभागीहरुले ल्हो (वर्ग) फेरिएको अवसरमा एकआपसमा शुभकामना आदनप्रदान गरेका थिए । कार्यक्रममा हेटौंडा–१५ अन्तर्गतका शक्तिश्वरी युवा क्लवका अध्यक्ष सञ्जय कुमार स्याङतान, समृद्धि टोल विकास संस्थाका अध्यक्ष गणेश वाईबा, संसारेमाई सामुदायिक वन उपभोक्ता समूहका अध्यक्ष गाणेश मोक्तान, जागरुक आमा समूहका उपाध्यक्ष मालती थिङ, गाउँ सरोकार समितिका अध्यक्ष गणेश ब्लोन लगायतको आतिथ्यता रहेको थियो ।

समाजमा आवद्ध सदस्यहरु तथा स्थानियको सहभागिता रहेको कार्यक्रम वडाध्यक्ष महारत्न लामाको प्रमुख आतिथ्यता तथा समाजका अध्यक्ष भेषबहादुर स्याङतानको अध्यक्षतामा भएको हो ।