हेटौंडा/मकवानपुरको कैलाश गाउँपालिका–४ देउराली डाँडाबाट प्रहरीले भरुवा भरुवा बन्दुक र कटुवा पेस्तोलसहित एकजनालाई पक्राउ गरेको छ ।

मोक्तानको घरमा हात हतियार लुकाएर राखेको भन्ने सूचनाको आधारमा ईलाका
प्रहरी कार्यालय मनहरी मकवानपुर र प्रहरी चौकी भार्ताको प्रहरी टोलीले खानतलास गर्दा हतियार र चरेस बनाउने धुलोसहित ३३ वर्षीय देवान सिं मोक्तानलाई पक्राउ
गरिएको मकवानपुर प्रहरीले जनाएको छ ।

मोक्तानको घर पछाडि घर छाउने खर मुनी लुकाएको अवस्थामा भरुवा बन्दुक १ थान, सानो कटुवा पेस्तोल १ थान र २ किलो चरेस बनाउन प्रयोग हुने धुलो पाउडर बरामद गरिएको मकवानपुरका प्रहरी प्रवक्ता प्रहरी निरीक्षक मधुकुमार थापाले जानकारी दिए ।