सुर्मा गाँउपालिका वडा नम्बर १ का दानु बोहराको भेडी गोठ आईतबार गएको पहिरोले भेडी गोठ पुरिँदा २३ भेडा मरेका छन् ।

पहिरोमा परी २३ भेडा मरेका स्थानिय बासिन्दा कलक बहादुर बोहराले बताए । भेडीगोठ माथि सडक भएका कारण केहि दिन अघिदेखि लगातार परेको बर्षा र हिमपातले माटो गलि पहिरो गएको उनको भनाई छ ।

माघ १३ गते मात्रै चार लाख पचास हजार बरबर मुल्यमा खरिद गरी ल्याएका भेडाहरु मरे पछि दानु बहादुर बोहरा र धर्मराज बोहरा चिन्तित बनेका छन् । ‘भेडा ब्यावसायी गरेर जिविका चलाउने सोच थियो’, दानु बहादुर बोहराले भने, ‘सबै सपना चकनाचुर भयो ।’ आर्थिक स्थिती कमजोर भएका बोहराका दुई दाजु भाईले साहुबाट झण्डै चार लाख ५० हजार ब्याजमा ऋण निकालेर भेडा खरीद गरेका थिए । झण्डै २ लाख ३० हजार बराबरको क्षति भएको बोहराको भनाई छ ।