जिल्ला प्रहरी कार्यालय मकवानपुरबाट प्रहरी निरिक्षक मधु कुमार थापा सहितको टोलीले मंगलबार हेटौडा मकवानपुर उपमहानगरपालिका वडा नं.१९ सिराङगचोकस्थित बस्ने ७० वर्षिय चन्द्र बहादुर भोलनलाई ७४ किलो गाँजासहित पक्राउ गरेको छ ।

केही घर गोठहरुमा लागूऔषध गाँजा लुकाई छिपाई राखेको छ भन्ने विशेष सुचनाको आधारमा प्रहरीले उक्त स्थानहरुमा खानतलासी गर्दा प्लाष्टिकको बोरामा तयारी गरी बेचबिखनको लागि राखेको अवस्थामा हेटौडा उपमहानगरपालिका वडा नं.१९ सिराङगचोकका चन्द्र बहादुर भोलनको घरबाट १६ किलो, पुर्ण बहादुर भोलनको घरबाट ३२ किलो र बुद्दिलाल भोलनको घरबाट २६ किलो गरी जम्मा ७४ किलो लागूऔषध गाँजा फेलापारी उक्त अपराधिक कार्यमा संलग्न भोलनलाई पक्राउ गरेका हुन् ।

भोलनलाई पक्राउ गरी लागूऔषध नियन्त्रण ऐन २०३३ बमोजिम आवश्यक कारवाही भई रहेको र उक्त वारदातमा संलग्न अन्य फरार अभियुक्तहरुको खोजिकार्य भईरहेको प्रहरीले जानकारी दिएको छ ।