मादक पदार्थ सेवन गरेर ट्याक्सी तोडफोड गरेको आरोपमा एक जनालाई महानगरीय प्रहरी वृत्त, स्वयम्भुबाट खटिएको प्रहरी टोलीले पक्राउ गरेको छ ।

प्रहरीले नागर्जुन नगरपालिका–४, रामकोट बस्दै आएका २१ वर्षीय दिनेश विकलाई पक्राउ गरेको हो । सितापाइला चोकमा विकले बा २ ज ६९१ र बा २ ज ६६३ नम्बरको २ वटा ट्याक्सी तोडफोड गरेर भागेका थिए ।

प्रहरीमा त्यसबारे उजुरी परेपछि खोजबिनमा खटिएको प्रहरीले विकलाई बुधबार बिहान पक्राउ गरेर अनुसन्धान थालेको हो ।