बुधबार एक कार्यक्रमका बीच पदस्थापना कार्यक्रम गरिएको छ । जिपी कोईराला फाउन्डेसन फर डेमोक्रेसी पिस एण्ड डेभलपमेन्ट मकवानपुरको कार्यक्रमहरुका बिच पदस्थापना कार्यक्रम गरिएको हो ।

फाउन्डेसन मकवानपुरका संयोजक नारायण प्रसाद लम्सालको सभाध्यक्षता एवं नेपाली कांग्रेस मकवानपुरका सभापति एव कांग्रेस ३ नम्बर प्रदेश संसदीय दलका नेता ईन्द्रबहादुर बानियाँको प्रमूख आतिथ्यतामा पदस्थापना कार्यक्रम भएको हो ।

कार्यक्रममा फाउन्डेसनका क्षेत्र नम्बर १ का संयोजक भीमसेन महत, २ का संयोजक पुरुषोत्तम ठकुरी, क्षेत्र १ क का संयोजक भुमिनन्द गौतम, ख का संयोजक पूर्ण पुडासैनी, क्षेत्र २ क का संयोजक प्रमोदकृष्ण जोशी, ख का संयोजक नुरोज पौडेल, हेटौंडा उपमहानगरपालिका संयोजक कृष्णराम न्यौपाने र थाहा नगरपालिका संयोजक भरत लामालाई पदस्थापना गरिएको हो ।

कार्यक्रममा विशेष अतिथि फाउन्डेसनका केन्द्रीय सदस्य एवं ३ नम्बर प्रदेश संयोजक रिता खनाल, प्रदेश ३ का सल्लाहकार शोभाकर पराजुली, कांग्रेस पार्टी मकवानपुरका जिल्ला सल्लाहकार माईकल रामचन्द्र अर्याल, जिल्ला सचिव बुद्ध लामा, प्रवक्ता प्रदिप कोईरालालगायतले मन्तव्य व्यक्त गर्नुभएको थियो ।