जिल्ला प्रहरी कार्यालय मकवानपुरबाट खटिएको अनुसन्धान टोलीले जवरजस्ती करणी गरी फरार रहेका कैलाश गाउँपालिका वडा नं. ३ का २३ वर्षिय प्रविन भन्ने विष्णु प्रसाद भुजेललाई प्रहरीले पक्राउ गरेको छ ।

उनले गत कात्तिक महिनाको दास्रो हप्ता सोही ठाउँकी १६ वर्षिया बालिकालाई फोनमा आफ्नो नाम ढाटी भेट्न जंगलमा बोलाएर जवरजस्ती करणी गरी फरार रहेको अभियोगमा जिल्ला प्रहरी कार्यालय मकवानपुरले मंगलबार पक्राउ गरेको हो । बालिका अहिले गर्भवती रहेको प्रहरीले जनाएको छ ।

पीडितले निजलाई सनाखत गरेकोले निजलाई सम्मानित जिल्ला अदालतबाट मुलुकी फौजदारी अपराध (संहिता) ऐन २०७४ को परिच्छेद १८ को करणी सम्बन्धी कसुरमा म्याद थप गरी अनुसन्धान भइरहेको प्रहरीले जनाएको छ ।