महानगरीय प्रहरी परिसर काठमाडौंबाट खटिएको प्रहरी टोलीले तारकेश्वर काभ्रेस्थली–२ का नवराज भण्डारीलाई शुक्रबार काभ्रेस्थलीबाट पक्राउ गरेको छ ।

भण्डारीले धनुषाका उदयकान्त साहलाई प्रहरीको असइ बनाइदिन्छु भन्दै उनीसँग ७० हजार रुपैयाँ घुस लिएका नवराज भण्डारीलाई पक्राउ गरेको हो  ।
प्रहरीका अनुसार भण्डारीले साहसँग दुई महिनाअघि ७० हजार घुस लिएका थिए, जुन एडभान्सबापतको रकम थियो । असइमा नाम निस्केपछि चार लाख ३० हजार रुपैयाँ लिने दुई पक्षबीच सहमति थियो ।

उनीहरूबीच पाँच लाख रुपैयाँको डिल भएको प्रहरीले जनाएको छ । तर, नाम ननिस्केपछि साहले भण्डारीसँग एड्भान्सबापत बुझाएको पैसा मागे । भण्डारीले दिन इन्कारले गरेपछि साहले प्रहरीमा उजुरी गरेका थिए । घटनाका बारेमा स्थानिय प्रहरीले अनुसन्धान गरिरहेको जानकारी दिएको छ ।