नेपाल पत्रकार महासंघ ३ नम्बर प्रदेश अध्यक्ष प्रताप बिष्टले नेपाल पत्रकार महासंघ मकवानपुर शाखालाई किताब सहयोग गरेका छन् ।

१ लाख तीनहजार बराबरको २ सय ५९ वटा किताब महासंघलाई सहयोग गरेका हुन् । छोराको बिहेको भोज गर्ने पैसाले महासंघलाई किताब खरिद गरि हस्तान्तरण गरिएको पत्रकार बिष्टले जानकारी दिए ।

पुस्तक हस्तान्तरण कार्यक्रममा पुस्तक बुझ्दै नेपाल पत्रकार महासंघ मकवानपुर शाखाका अध्यक्ष हरि हुमागाईले बिष्टले महसंघलाई पुस्तक दिएर ठूलो गुण लगाउनु भएको धारणा व्यक्त गरे ।

करीब तीनदशकदेखि पत्रकारीता क्षेत्रमा कलम चलाउदै आउनुभएका बिष्टप्रति हामी सम्मान गर्दछौ अध्यक्ष हुमागाईले बताए । कार्यक्रममा पत्रकार महासंघ मकवानपुरका उपाध्यक्ष कुमार(पोष्टराज) अधिकारी, सचिव गणेश दर्पण अधिकारी लगायत पत्रकारहरुको उपस्तिथी रहेको थियो ।