पोखराको लेकसाइडको हल्लनचोकस्थित एक निर्माणाधीन भवनमा १४ वर्षीय किशोरको शव फेला परेको छ । पाल्पा स्थायी घर भइ हाल लेकसाइड मा बाबुआमासँगै बस्दै आएका सचिन सिँञ्जालीको शव घाँटी रेटेर हत्या गरेको अवस्थामा फेला परेको हो ।
बालकको शव पोस्टमार्टमका लागि पश्चिमाञ्चल क्षेत्रीय अस्पताल पोखरामा राखिएको छ । प्रारम्भिक अनुसन्धानबाट बालक सुतिरहेका बेला धारिलो हतियार प्रयोग गरी हत्या गरिएको खुलेको छ । घटनाबारे थप अनुसन्धान गरी बाँकी विवरण सार्वजनिक गर्ने प्रहरीले जनाएको छ ।