ईलाका प्रहरी कार्यालय मनहरी मकवानपुरबाट खटिएको प्रहरी टोलीले मंगलबार ३० वटा गोरुसहित ट्रक नियन्त्रणमा लिएको छ ।

मकवानपुर मनहरी गाउँपालिका–७, स्थित सडक खण्डमा सवारी साधन रोकी चेक जाँच गर्ने क्रममा चितवनबाट पुर्वतर्फ आउँदै गरेको ना ६ ख ७१६१ नं. को ट्रकलाई प्रहरीले ३० वटा गोरुसहित नियन्त्रणमा लिएको हो ।

मापदण्डसमेत नपुर्याई धेरै पशुहरुलाई एउटै ट्रकमा कोचेर यातना पुर्वक ढुवानी गरेकोसमेत पाईएको हुँदा उक्त ट्रकलाई आवश्यक कारवाहीको लागि पशु क्वारेन्टाईन चेक पोष्ट पथलैया बारामा पठाईएको छ ।