बिश्व रेडियो दिवशको अबसर पारेर हेटौंडामा रेडियो बुलेटिन ८९.७ मेघाहर्जले बुधबार मकवानपुरका रेडियोहरुको अबस्थाबारे अन्तरक्रिया कार्यक्रम गरेको छ ।

कार्यक्रममा बोल्दै कार्यक्रमका ब्रोड कास्टिङ एसोसियसन नेपालका राष्ट्रिय उपाध्यक्ष उज्वल चौलागाईले मकवानपुरका उद्योगहरुले २० प्रतिशत मात्रै बिज्ञापनको लगानी मकवानपुरका रेडियोमा दिने हो भने यहाँका सबै रेडियो र रेडियोकर्मी ढुक्कसग बाच्न सक्ने भन्दै त्यसको बातावरण बनाउन सबैसंग आग्रह गरे ।
त्यसै गरी मकवानपुरका प्रमुख जिल्ला अधिकारी एवं कार्यक्रमका प्रमुख अतिथि अस्मान तामाङले राज्यको चौथो अङ्गले बाँकी तीन अङ्गलाई सचेत बनाउनुपर्ने बताए ।
कार्यक्रममा पत्रकार महासंघ मकवापुरका अध्यक्ष हरी हुमागाई, पुर्व अध्यक्ष नमराज शर्मा, उद्योग वाणिज्य संघ मकवानपुरका वरिष्ठ उपाध्यक्ष माधव न्यौपाने पत्रकार सञ्चार उद्यमी लगाएतका उपस्थित रहेका थिए ।
रेडियो बुलेटिनका स्टेशन संयोजक गणेश दुलालले स्वागत मन्तव्य राखेका थिए ।