हेटौँडाको तुलसी मेहर मेमोरियल माविले आफ्नो सप्ताहाब्यापी खेलकुदको पुरस्कार वितरण यो वर्षको डान्सिङ स्टारको घोषणा गरेको छ । आज स्कुल परिषरमा कार्यक्रमको आयोजना गरि विद्यालयले तुलसीमेयर मेमोरियल डान्सीङ स्टार २०७५ को विजेताको घोषणा गरेको हो । यो वर्षको “तुलसी मेहर मेमोरियल डान्सीङ स्टार २०७५” को उपाधी कक्षा ८ की रिया श्रेष्ठले जितिन् । त्यसैगरी उपविजेता कक्षा ४ की पूर्णिमा बल तथा तृतिय कक्षा ८ की कृषला थिङ भए । उनीहरुले शिल्ड, मेडल तथा प्रमाणपत्र प्राप्त गरे । “तुलसी मेहर मेमोरियल डान्सीङ स्टार २०७५” लागि गत बैशाखबाट अडिसनको साथै विभिन्न चरणहरु भएका थिए । अडिसनमा ५२ जना विद्यार्थी सहभागि थिए । कार्यक्रममा विद्यालयले यो वर्षको खेल सप्ताहा अन्र्तगतको विजेता करिब एक सय विद्यार्थीलाई मेडल तथा प्रमाणपत्र प्रदान गरिएको थियो । गत माघ १६ बाट २३ गतेसम्म चलेको सप्ताहाब्यापी कार्यमको विजेता खेलाडीहरुलाई पुरस्कार दिईएको हो भने गत माग १६ बाटै भएको प्याब्सन मकवानपुरको सप्ताहाब्यापी कार्याक्रमा विजेता बनेको तुलसी मेहरमा अध्यनरत विद्यार्थीलाई समेत पुरस्कृत गरिएको थियो । विद्यालयमा अध्ययनको अलवा विद्यार्थीहरुको क्षमता अभिबृत्ति गर्ने अतिरिक्त क्रियाकलापलाई समेत तुलसी मेहरले ध्यान दिएको विद्यालयका प्रधानाध्यापक रघुनाथ खरालले बताए । विद्यार्थीलाई अतिरिक्त क्रियाकलापमा सहभागि बनाएर उनीहरुको क्षमता चिन्ने अवसर समेत प्रदान गर्न आफुहरुले कार्यक्रमको आयोजना गरेको विद्यालय ब्यवस्थापन समितिका अध्यक्ष यम सिलवालले बताए । कार्यक्रमको अवसरमा विद्यालयमा अध्ययनरत विद्यार्थीहरुले साँस्कृतिक कार्यक्रमहरु समेत प्रस्तुत गरेका थिए ।