हेटौंडा–मकवानपुरमा गएराती भएका दुई छुट्टाछुट्टै दूर्घटनामा एकजनाको मृत्यु भएको छ भने एक जना गम्भीर घाइते भएका छन् ।

गएराती १० बजेको समयमा पूर्वपश्चिम राजमार्गको हेटौंडा–१९ बस्तीपुरमा काठमाडौंबाट ईलामतर्फ जाँदै गरेको बसले ठक्कर दिँदा एकजना पैदलयात्रीको मृत्यु भएको छ ।

ना ५ ख ५२४६ नम्बरको बसले पैदल यात्रीलाई ठक्कर दिँदा उनको घटनास्थलमै मृत्यु भएको हो । करिब ५०–५५ वर्षका पुरुषको पहिचान हुन नसकेको जिल्ला ट्राफिक प्रहरी कार्यालय मकवानपुरले जनाएको छ । पैदलयात्रुलाई ठक्कर दिई फरार भएको बसलाई थानाभ¥याङबाट नियन्त्रणमा लिइए पनि चालक भने फरार रहेका छन् ।

हिजो साँझ नै भिमफेदी गाउँपालिका – १ सामरी स्थित भित्री ग्रामिण सडकखण्ड अन्तर्गत हेटौडाबाट गढीतर्फ जाँदै गरेको ना ४ ख ५००० नं को मिनी ट्रकले मोटरसाइकललाई ठक्कर दिँदा मोटरसाइकल चालक गम्भीर घाइते भएका छन् ।

ट्रकले सोही दिशातर्फ जाँदै गरेका ना ४५ प ३००२ नम्बरको मोटरसाइकललाई ठक्कर गढी गाउँपालिका–५ कालिवनका २८ वर्षीय सन्तोष घिमिरे गम्भीर घाइते भएका हुन् । उनको हेटौंडास्थित चुरेहिल अस्पतालमा उपचार भइरहेको छ । ट्रक चालक फरार भएका छन् भने सवारी प्रहरीको नियन्त्रणमा रहेको छ ।