प्रदेश नम्बर ५ का सांसद उत्तरकुमार वलीको निधन भएको छ। सवारी दुर्घटनामा परी गम्भी घाइते भएका वलीको उपचारका क्रममा शुक्रबार बिहान निधन भएको हो । वली गत वर्ष सम्पन्न प्रदेशसभा चुनावमा तत्कालीन एमालेबाट उम्मेदवार भई दाङ क्षेत्र नम्बर ३ ‘ख’ बाट निर्वाचित प्रदेश सदस्य हुन्।गत माघ २४ गते दाङमा भएको सवारी दुर्घटनामा उनी गम्भीर घाइते भएका थिए।

उपचारका क्रममा ललितपुरस्थित मेडिसिटी हस्पिटलमा शुक्रबार बिहान ३ बजेतिर उनको निधन भएको नेकपाका केन्द्रिय सदस्य विष्णु रिजालले जानकारी दिए।

श्रद्धाञ्जलीका लागि सांसद वलीको शव बिहान ९ देखि १० बजेसम्म नेकपा केन्द्रीय कार्यालय (धुम्बाराही) मा राखिने र त्यसपछि उनको गृहजिल्ला दाङ लगिने बताइएकाे छ।   दाङकाे दङ्गीशरण गाउँपालिका-६,लेटारका वलीका श्रीमती र दुई छोरा छन्।