मकवानपुरको राक्सिराङ गाउँपालिका ५ बाङ्तीराङमा घट्टको कुलोमा डुबेर एक बालिकाको मृत्यु भएको छ ।

सोही स्थानकी ३ बर्षीया अस्मिता लामाको शुक्रबार बिहान कुलोमा डुबेर ज्यान गएको स्थानीयले बताए । डुबेको अबस्थामा फेला परेकी लामालाई उपचारका लागि मनहरीस्थित प्राथमिक स्वास्थ्य केन्द्र ल्याइएको थियो ।

तर, स्वास्थ्य केन्द्र आइपुग्नु अघि नै उनको मृत्यु भइसकेको पाइएको मनहरी प्राथमिक स्वास्थ्य केन्द्रले जनाएको छ । बालिकाको शव मनहरीस्थित प्राथमिक स्वास्थ्य केन्द्रमा रहेको छ ।