३ नम्बर प्रदेशको राजधानी हेटौंडाबाट प्रकाशित हुने दैनिक पत्रिकाले आज हेटौंडामा राष्ट्रिय औद्योगिक व्यापार मेला सुरु भएको र मेलाको उद्घाटन गर्दै ३ नम्बर प्रदेशका मुख्यमन्त्री डोरमणि पौडेलले बोलेको कुरालाई प्रमुखताका साथ प्रकाशित गरेका छन् ।

मकवानपुर उद्योग वाणिज्य संघको मुख्य आयोजनामा सुरु भएको मेलाको उद्घाटन गर्दै मुख्यमन्त्री पौडेलले निजी क्षेत्रसँगको सहकार्यबिना सरकार सफल हुन नसक्ने बताए । हरेक काममा निजी क्षेत्रसँग सहकार्य गरेर जान प्रदेश सरकार तयार रहेको उनको भनाइ थियो ।

अबको केहीवर्षपछि प्रदेशले काँचुली फेर्ने मुख्यमन्त्री पौडेलको भनाइ थियो । हेटौंडाको क्याम्पाडाँडामा सुरु भएको मेला २८ गतेसम्म चल्नेछ ।

यसैगरी व्यवसायिक पशुपालनमा लाग्न किसानलाई कृषि मन्त्रीको सुझाव, वकैयामा वृहत साहित्य गोष्ठी तथा श्रष्टा सम्मान, अंग्रेजी शिक्षकहरुको राष्ट्रिय भेला हेटौंडामा सुरुलगायतका समाचार पनि आजका दैनिक पत्रिकाले पहिलो पृष्ठमा नै छापेका छन् ।

हेर्नुहोस् आजका दैनिक पत्रिकाको पहिलो पृष्ठ