३ नम्बर प्रदेशको राजधानी हेटौंडाबाट प्रकाशित आजका दैनिक पत्रिकाले आज विभिन्न विषयलाई प्रमुखताका साथ छापेका छन् ।

पूर्व क्रिकेट खेलाडीको उपचार सहयोगार्थ राष्ट्रिय क्रिकेट टोली र मकवानपुर ११बीच शनिबार हेटौंडामा क्रिकेट खेल भएको, हिन्दु राष्ट्रको लागि आन्दोलन चर्काउने राप्रपा संयुक्तका अध्यक्ष पशुपतिशमशेर राणाको भनाइ, पर्यटन ब्रान्ड निर्माण गर्दै प्रदेश सरकार, ९ बुँदे प्रतिवद्धतापत्र जारी गर्दै सकियो सहकारी कार्यशालालगायतका समाचार आजका दैनिक पत्रिकाले पहिलो पृष्ठमा नै छापेका छन् ।

मकवानपुरमा सञ्चालित विभिन्न सिमेन्ट उद्योगका खानीमा जथाभावी उत्खनन् हुँदा ४ वटा गाउँपालिका प्रभावित भएको समाचार आजको हेटौंडा सन्देशले मुख्य समाचार बनाएर छापेको छ । हेटौंडामा सञ्चालित ठूला ३ उद्योगको खानीका कारण हजारौं मानिस प्रभावित भएका छन् ।

ऋिद्धिसिद्धि सिमेन्ट, शिवम् सिमेन्ट र हेटौंडा सिमेन्टको खानी क्षेत्रमा जथाभावी उत्खनन् भइरहेको छ । ती सिमेन्ट उद्योगको भीमफेदी, मकवानपुरगढी, कैलाश र राक्सिराङ गाउँपालिकामा रहेको खानीमा जथाभावी उत्खनन् हुँदा पहिरो र अन्य विविध समस्याको त्रासमा स्थानीय रहेका छन् ।

हेर्नुहोस् आजका दैनिक पत्रिकाहरुको पहिलो पृष्ठ