हेटौंडा–पूर्वपश्चिम राजमार्गअन्तर्गत मकवानपुरको मनहरी गाउँपालिका–७ रमनटारमा बस दूर्घटना हुँदा ४ जना घाइते भएका छन् ।

काठमाडौैंबाट बीरगञ्जको लागि छुटेको ना ५ ख २७५० नम्बरको बस राती करिब ३ बजेको समयमा अनियन्त्रित भई सडकमा पल्टिएको थियो । घाइतेमध्ये ३ जनाको अवस्था गम्भीर रहेको छ । उनीहरुलाई उपचारको लागि भरतपुर पठाइएको छ ।

गम्भीर घाइते हुनेहरुमा बसका चालक चितवन भरतपुर–६ का ४२ वर्षीय सुब्बा श्रेष्ठ, भारत बिहारका २० वर्षीय प्रेमनाथ दास र बीरगञ्ज उपमहानगरपालिका–७ का ३६ वर्षीय नागमतिदेवी रहेका छन् ।

त्यस्तै जितपुर सिमरा उपमहानगरपालिका–१९ का ६८ वर्षीय देवनाथ राम सामान्य घाइते भएको जिल्ला प्रहरी कार्यालय मकवानपुरले जनाएको छ । बसमा ३२ जना सवार रहेको बताइएको छ ।