हेटौंडामा सुरु दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगिता–२०७५ मा आयोजकले बिजयी सुरुवात गरेको छ । हेटौंडा–१० स्थित वनविज्ञान मैदानमा सुरु भएको प्रतियोगितको उद्घाटन खेलमा आयोजक मकवानपुर ११ ले २–१ गोल अन्तरले मछिन्द्र क्वललाई हराएको हो ।

मकवानपुर फुटवल संघलको आयोजनामा सुरु प्रतियोगितामा मछिन्द्रको तर्फबाट खेलको १६ औँ मिनेटमा डम्बीया महोम्बतले गोल गरेका थिए । खेलको ३० औँ मिनेटमा मकवानपुर ११ का अफ्रिकी खेलाडी काजिमले गोल गर्दै खेलालाई को बराबरीमा ल्याए ।
मकवानपुरले दोश्रो हाफको ३० औं मिटेमा अर्को गोल गर्दै टिमलाई जित दिलाए । खेलको म्यान अफ द म्याच दुई गोल गर्ने कजिम भए ।

भोली हिमालय शेर्पा क्वल र एपिएफ क्लवबीच प्रतिस्पर्धा हुने आयोजकले बताएको छ । प्रतियोगिताको उद्घाटन प्रदेश ३ का मुख्यमन्त्री डोरमणि पौडेलले गर्नुभएको थियो ।