३ नम्बर प्रदेशको राजधानी हेटौंडाबाट प्रकाशित दैनिक पत्रिकाले आज फरक फरक विषयलाई प्राथमिकताका साथ प्रकाशित गरेका छन् ।

हेटौंडामा जारी मकवानपुर गोल्डकपमा सशस्त्र प्रहरी बल एपिएफलाई हराउँदै क्यामरुनी फुटबल टिम दाफिन्स सेमिफाइनलमा प्रवेश गरेको, विकट गाउँमा बालबिवाह बढदै, एसईई परीक्षा सुरु, मुख्यमन्त्रीले परीक्षाको अवलोकन गरे, चेपाङ युवकमाथि निर्घात कुटपिटलगायतका समाचार आजका पत्रिकाले पहिलो पृष्ठमा नै प्रकाशित गरेका छन् ।

पति विदेशबाट फर्किँदा पत्नीले अर्कोसँग सम्बन्ध गाँस्ने गरेको वर्तमान बिकराल अवस्थाको बारेमा आजको हेटौंडा सन्देशले समाचार लेखेको छ ।जिल्ला प्रहरी कार्यालय मकवानपुरको महिला सेलको अनुसार फागुन महिनामा मात्र १५ जना महिला बेपत्ता भएका छन् ।

जसमध्ये पति विदेशमा भएको र परपुरुषसँग अनैतिक सम्बन्ध राखी घर छाडेर हिँड्नेको संख्या अधिक छ । चालु आवको ८ महिनामा १६२ जना महिला हराएको उजुरी आएको छ । हराएका महिलाहरु अधिकांशले दोस्रो विवाह गर्ने र केही भारतको वेश्यालयमा बेचिने गरेको प्रहरीको दावी छ ।

हेर्नुहोस् आजका दैनिक पत्रिकाको पहिलो पृष्ठ