हेटौंडामा जारी दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगिताको सेमिफाईलनमा नेपाल पुलिस क्लव प्रवेश गरेको छ । फ्रेन्डस् क्लवलाई ३–० गोल अन्तरले हराउँदै पुलिस सेमिफईनलमा प्रवेश गरेको हो ।
हेटौंडा–१० स्थित वनविज्ञान खेल मैदानमा भएको खेलमा उनले १२, ४२ र ४३ औं मिनेटमा गोल गरेका थिए । प्रतियोगितामा पहिलो ह्याट्रिक गर्दै उनले टिमलाई बिजयी गराएपछि खेलको म्याद अफ दि म्याच समेत घोषित भए । उनले नगद दशहजार रुपियाँ प्राप्त गरे ।
फाइनल प्रवेशका लागि अब पुलिसले आयोजकको मकवानपुर–११ सँग प्रतिस्पर्धा गर्नेछ ।
खेलपश्चात प्रतिक्रिया दिँदै पुलिसका प्रशिक्षक अनन्तराज थापाले आफू खेलाडीको प्रदर्शनबाट खुशी रहेको बताए । फ्रेण्डसका प्रशिक्षक चेतनाथ श्रेष्ठले ए डिभिजन लिगपश्चात मोफासल बाहिर जारी प्रतियोगितामा पहिलो पटक सहभागी भएका कारण टिम सेट नहुँदा समस्या भएको बताए । प्रतियोगिता अन्तर्गत भोली थ्रीस्टार क्लब र सरस्वती क्लबबीच खेल हुनेछ ।