रेजिन सुब्बाले गरेको गोलले आयोजक मकवानपुर ११ हेटौंडामा जारी दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगिताको फाईनलमा प्रवेश गरेको छ । हेटौंडा–१० स्थित वनविज्ञान खेल मैदानमा आज भएको खेलमा नेपाल पुलिस क्वलका बिरुद्ध उनले गरेको १ गोल नै निर्णायक बनेको हो ।
मकवानपुर ११ उपाधि नजिक पुर्याउन सुब्बाले खेलको ७८ औं मिनेटमा गरे थिए । उनी खेलको म्यान अफ दि म्याच हुँदै नगद दश हजार रुपैयाँ समेत प्राप्त गरे । खेलको पहिलो हाफमा पुलिसले गोल गर्ने केही राम्रो मौका पाएपनि सदुपयोग गर्न नसक्दा हार ब्यहोर्नुपरेको हो ।
भोली थ्रिस्टार क्वल र अफ्रिकन देश क्यामरुनी टोली दाफिन्सबीच दोस्रो सेमिफाईनल खेल हुनेछ । मकवानपुर ११ ले यी दुईमध्येबाट बिजयी हुने टोलीसँग चैत्र १६ गते उपाधिका लागि प्रतिस्पर्धा गर्ने आयोजक मकवानपुर फुटबल संघले जनाएको छ ।
प्रतियोगिताको विजेताले नगद आठलाख रुपियाँ र उपविजेताले नगद चारलाख रुपियाँ प्राप्त गर्नेछ ।