हेटौंडा–स्वदेशी वस्तुको प्रवद्र्धन हाम्रो अभियान भन्ने मुल नाराका साथ हेटौंडाको पल्लपसाहलमा भइरहेको मकवानपुर जुत्ता चप्पल व्यापार मेलामा हालसम्म ८० हजारले अवलोकन गरेका छन् ।

करिब १५ हजार जोर जुत्ता चप्पल बिक्री भएको आयोजक मकवानपुर उद्योग वाणिज्य संघले जनाएको छ । फागुन २८ गतेबाट सुरु भएको मेला चैत २३ गतेसम्म चल्ने बताइएको छ । मेला संयोजक होमनाथ उपाध्यायले मेलामा भारी छुटका साथ जुत्ता चप्पल बिक्री भइरहेको छ
मकवानपुर उद्योग वाणिज्य संघको आयोजनामा भएको मेलामा फुटवेयर म्यानुफ्याक्चर एशोसियशन अफ नेपालले संयोजन गरिरहेको छ ।

नेपाली जुत्ता चप्पलको सात वटा व्राण्डले मेलामा आफ्नो उत्पादन बिक्री गरिरहेका छन् । बि.एफ. डियर हिल सुज, रन सुज, रोयल सुज, क्रसरोड सुज, कोशेली सुज, हाइलाइफ सुज, सुल्याण्ड सुज ब्राण्डका जुत्ता चप्पल मेलामा रहेको छ । प्रर्दशनी भरिमा १५ देखि ६० प्रतिशत सम्म छुटको व्यवस्था गरिएको संयोजक उपाध्यायले बताए ।

नयाँ डिजाइनका छालाजन्य जुत्ता चप्पलहरु पनि मेलामा राखिएको छ । मेलामा जेन्स तथा लेडिजको चप्पल र जुत्ता, पार्टी सुज, स्र्पोट्स सुज, स्कुलकलेज सुज,हवाई चप्पल, डिएमएस जुत्ता, बेल्ट लगायतका छालाजन्य उत्पादनहरु रहेका छन् । नेपाली उपभोक्तालाई स्वदेशमा नै उत्पादित स्वदेशी व्राण्ड प्रति माया र स्वदेशी व्राण्ड प्रयोग होस भन्ने उद्देश्यले मेला आयोजना गरेको उद्योग वाणिज्य संघका अध्यक्ष कृष्ण कटुवालले बताए