३ नम्बर प्रदेशको राजधानी हेटौंडाबाट प्रकाशित दैनिक पत्रिकाले आज खेलकुदका प्रसङ्गलाई प्राथमिकताका साथ प्रकाशित गरेका छन् ।

११ वर्षपछि भएको मकवानपुर गोल्डकप फुटबलको उपाधिको लागि मकवानपुर र क्यामरुनी फुटबल क्लव दाफिन्सबीच आज हेटौंडाको फरेष्टी खेल मैदानमा फाइनल भिडन्त हुँदैछ । दुवै टिमले आफूले उपाधि जित्नेमा विश्वस्त रहेको दावी गरिरहेका छन् ।

सोही प्रसङ्गलाई सबै पत्रिकाले पहिलो पृष्ठमै समाचार प्रकाशित गरेका छन् । त्यस्तै गोल्डकपमा फाइनलमा पुग्ने मकवानपुरे खेलाडीलाई नेपाली काँग्रेस मकवानपुरका सभापति तथा ३ नम्बर प्रदेश संसदीय दलका नेता इन्द्रबहादुर बानियाँले जनही ५ हजारका दर नगद १ लाख २५ हजार रुपैयाँ प्रोत्साहन स्वरुप प्रदान गरेको समाचार पनि छापिएको छ । त्यस्तै आजको फाइनल खेल जिते थप एक लाख रुपैयाँ प्रोत्साहन दिइने पनि बानियाँले घोषणा गरेका छन् ।

त्यस्तै भोलि चैत १७ गते सुरु हुने ३ नम्बर प्रदेशको हिउँदे अधिवेशनको पहिलो बैठकमा थप दुई विधेयक ल्याउने तयारी गरेको समाचार पनि छापिएके छ । योजना आयोगमा दुई सदस्य थप, उत्पादनसँग जोडिन सहकारीलाई आग्रहलगायतका समाचार आजका पत्रिकाले पहिलो पृष्ठमा छापेका छन् ।

हेर्नुहोस् आजका दैनिक पत्रिकाको पहिलो पृष्ठ