हेटौंडा– युवतीलाई होटलमा लगी जबरजस्ती करणी गरेको आरोपमा मकवानपुर प्रहरीले एक युवालाई पक्राउ गरेको छ । मकवानपुरको उत्तरी क्षेत्र थाहा नगरपालिकाका वडा नं। ६– बस्ने ३८ वर्षीया राजु बस्नेतलाई एक १७ वर्षीया युवतीलाई बलात्कार गरेको आरोपमा जिल्ला प्रहरी कार्यालय मकवानपुरले पक्राउ गरेको हो ।

फागुन १७ गते युवतीलाई डर त्रास देखाएर हेटौंडा– १० स्थितमा रहेको लजमा लगी जबरजस्ती करणी गरी फरार भएको सूचनाको आधारमा जिल्ला प्रहरी कार्यालय मकवानपुरबाट प्रहरी निरीक्षक पवन कुमार झासमेतको टोलीले बस्नेतलाई पक्राउ गरिएको जिल्ला प्रहरी प्रवक्ता प्रहरी नायव उपरीक्षक यज्ञप्रसाद भट्टराईले जानकारी दिए ।

प्रहरीले खोज तलासको क्रममा बस्नेतलाई पक्राउ गरी ल्याएको हुँदा निज उपर जबरजस्ती करणीको कसुरमा आवश्यक अनुसन्धान तथा कारबाही भइरहेको प्रहरी प्रवक्ता भट्टराईले जानकारी दिए ।