कैलाली कारागारमा कर्तव्य ज्यान मुद्दामा बन्दी रहेका धनगढी उप–महानगरपालिका १० का लाटु भन्ने सहदेब रानालाई प्रहरीले पक्राउ गरेको छ ।

१४ वर्षअघि कारागार तोडफोड गरि भागेका उनी कैदीबन्दीलाई बुधबार बिहान धनगढी उप–महानगरपालिका वडा नम्बर १० घुुइँयाघाटबाट पक्राउ गरिएको कैलाली प्रहरी प्रबक्ता डीएसपी दक्षकुमार बस्नेतले बताए ।

अदालतबाट जन्मकैद सजाय सुनाइएका कर्तव्य ज्यान मुद्दामा २०५७ साल फागुन ९ गते देखि जिल्ला कारागार कैलालीमा जेल जीवन बिताइरहेका राना २०६१ साल माघ २७ गते कारागार तोडफोड गरि फरार भएका थिए ।

उनलाई थप कैद भुक्तानका लागि बुधबारै कैलाली कारागारमा पठाएको डीएसपी बस्नेतले जानकारी दिए ।