मकवानपुर युवा क्लबका चर्चित युवा फुटबलर सुशान्त लामा अष्ट्रेलिया प्रस्थान गर्ने भएका छन् । पछिल्लो समय मकवानपुर जिल्लाका क्लब एफसी इन्टरनेटका कप्तान समेत थिए रहेका हेटौंडा–१०, बसपार्कका लामा वैदेशिक अध्ययनका लागि त्यसतर्फ जान लागेको हुन् । लामा युथ–१९ राष्ट्रिय टोलीका पूर्वखेलाडी पनि हुन् ।

उनी चैत्र २७ गते त्यसतर्फ प्रस्थान गर्ने लामाले बताए । मकवानपुर क्लबले विहीबार लामालाई बिदाई समेत गरेको छ । क्लबका अध्यक्ष मणिष श्रेष्ठ, मकवानपुर जिल्लाका फुटबल प्रशिक्षक विजयलाल श्रेष्ठ, इन्टरनेटका प्रशिक्षक सुवास विडारी, नेपाल खेलकुद पत्रकार मञ्च मकवानपुरका सचिव गणेश दर्पण अधिकारी, इन्टरनेटका पूर्वकप्तान विक्रमकुमार बानियाँ, पूर्वखेलाडी अनिल थापा, शैलेन्द्र बल तथा अधिवक्ता जयराम सुवेदीले लामाको उज्जवल भविष्यको कामना गर्दै विदाई गरेका थिए ।

विदाइको क्रममा भावुक हुदैँ लामाले भने ‘फुटबलबाट मेरो पहिचान बनेको छ । फुटबलको विकासमा सदैव क्लबलाई सहयोग गरिरहनेछु ।’,

क्लबका अध्यक्ष श्रेष्ठले लामा पछिल्लो समय मकवानपुरबाट उत्पादन भएका खेलाडीमध्ये सबैभन्दा अब्बल खेलाडी रहेको क्लबले सदैव सम्मान र सम्झना गर्ने प्रतिबद्धता जनाए ।