मकवानपुर प्रहरीले हतियार तथा विष्फोटक पदार्थ सहित एक जनालाई पक्राउ गरेको छ । पूर्व पश्चिम राजमार्ग अन्तर्गत हेटौंडा ३ स्थित लेवटबाट बिहीबार स्थानीय जोकर मोक्तानलाई प्रहरीले पक्राउ गरेको हो ।
जोकर भन्ने ३७ वर्षीय मोक्तानलाई सवारी चेकजाँचको क्रममा प्रहरी चौकी लेवटबाट खटिएको प्रहरी टोलीले कटुवा पेस्तोल तीन थान,उक्त पेस्तोलमा प्रयोग हुने गोली ११ थान,३०३ राईफल गोली एक थान,सुतली बम एक थान र नेपाल प्रहरीले प्रयोग गर्ने पोशाक सहित पक्राउ गरेको हो । उनीसँगै रहेका अन्य दुई जना भने फरार रहेको मकवानपुर प्रहरी प्रमुख एसपी विकासराज खनालले बताएका छन् । उनीहरुको खोजिकार्य भइरहेको प्रहरीले जनाएको छ।