अमेरिकी गृह सुरक्षा सचिवले राजीनामा दिएकी थिइन् ।अमेरिकी गृह सुरक्षा सचिव क्रिस्जेन निलसनले पदबाट राजीनामा दिएकी हुन । उनी प्रवासीलाई अमेरिका प्रवेशमा रोक लगाउने राष्ट्रपति डोनाल्ड ट्रम्पको विवादास्पद नीतिको प्रमुख योजनाकार मानिन्छिन् ।

उनले राजीनामा दिनुको कारण नखुलेको बीबीसीले जनाएको छ । उनले आफ्नो कार्यकाललाई जीवनभरको सम्मान भनेकी छन् । उनले राजीनामा पत्रमा लेखेकी छन्, ‘यस विभागमा सहयोगीहरुसँग रहेर सेवा, समर्पण र प्रतिबद्धताका साथ काम गर्न पाउनु मेरो जीवनको सबैभन्दा ठूलो सम्मान हो ।’

सुश्री निलसनले ट्रम्प सरकारको विवादास्पद सीमा नीतिको बचाउ गरेको भन्दै आलोचना खेप्दै आएकी थिइन् । सुश्री निलसन जनवरी २०१७ देखि ट्रम्प प्रशासनमा सामेल भएकी थिइन् ।