चितवन राष्ट्रिय निकुञ्ज भित्र गैंडाको आक्रमणबाट एक जना नेपाली गाइड र एक जना विदेशी नागरिक घाइते भएका छन् ।

जंगल वाकका लागि विहान ८ बजे निकुञ्ज भित्र गएका उनीहरु माथि गैंडाले आक्रमण गरेको हो ।
जंगल वाकमा कति जना गएका थिए भन्ने खुलेको छैन ।

अन्यको अवस्थाका बारेमा पनि जानकारी नपाएको निकुञ्ज कार्यालयका प्रमुख वेदकुमार ढकालले बताए । कुनै होटलबाट नभई गाइड कार्यालयसँग सम्पर्क गरेर उनी निकुञ्जभित्र गएका थिए ।