हेटौँडा–सिस्नेरी–काठमाण्डौ सडकलाई ३५ दिन बन्द हुने भएको छ ।नियमित मर्मत गर्नुपर्ने भन्दै सडक बिभागले उक्त सडकखण्ड बन्द गर्ने निर्णय गरेको हो ।

नम्बर प्रदेशको अस्थायी मुकाम हेटौँडाबाट संघीय राजधानी काठमाण्डौँको लागि छोटो दुरीको सडकको रुपमा रहेको हेटौँडा–सिस्नेरी–काठमाण्डौ सडक ३५ दिन बन्द हुने भएपछि यात्रुहरुले अब लामो दुरीको यात्रा गर्नुपर्ने भएको छ ।

डिभिजन सडक कार्यालयले सूचना प्रकाशन गर्दै बैशाख ११ गतेबाट जेठ १६ गतेसम्म सडक बन्द गर्ने जानकारी दिएको छ । पाहाड कटिङ गर्नुपर्ने र मर्मतको लागि भन्दै विहान १० बजेबाट दिउँस ४ बजेसम्म सडक बन्द गर्ने निर्णय भएको डिभिजन सडक कार्यालय मकवानपुरले जनाएको छ ।