नेपाली राष्ट्रिय महिला फुटबल टोली बिहीबार स्वदेश फर्किँदै छ । म्यानमारमा ओलम्पिक छनोट दोस्रो चरणमा सहभागी भएर टोली बिहीबार स्वदेश फर्किन लागेको हो ।

टोली दिउँसो २ बजे थाइ एयरबाट काठमाडौं आइपुग्ने अखिल नेपाल फुटबल संघले जानकारी दिएको छ । दोस्रो चरणमा नेपाल घरेलु टोली म्यानमार र भारतसँग ३-१ ले पराजित भएको थियो । समूहको अन्तिम खेलमा नेपालले इन्डोनेसियामाथि २-१ को जित निकालेको हो ।

समूह ए बाट शीर्षस्थानमा रहँदै म्यानमार तेस्रो चरणका लागि छनोट हुँदा भारत दोस्रो तथा नेपाल तेस्रो भयो । पहिलो चरणमा उत्कृष्ट प्रदर्शन गरेको नेपालले त्यही लयलाई निरन्तरता दिन सकेन् । कात्तिकमा सम्पन्न पहिलो चरणमा नेपालले म्यानमार, भारत र बंगलादेशसँग १-१ को बराबरी खेलेको थियो ।