अप्रिल र मे महिनाको बीचमा गर्नुपर्ने गैडा गणना बजेट अभावमा यस वर्ष गैंडा गणना नहुने भएको छ। बजेट पनि नभएको र पानी  परिरहेकाले घाँस पनि बढी उम्रिएकाले गणना हुन नसकेको हो । गैंडा संरक्षण कार्ययोजनामा ४ देखि ५ वर्षमा गणना गर्ने भनिएको छ, तर यस पटक नहुने भयो,’ राष्ट्रिय निकुञ्ज तथा वन्यजन्तु विभागका महानिर्देशक खड्काले भने ।

यस वर्ष गैंडा गणना गर्न १ करोड १० लाख रुपैयाँ खर्च हुने अनुमान गरिएको थियो । दाताहरुले ६० प्रतिशत रकम दिने आश्वासन दिएका थिए र ४० प्रतिशत सरकारले व्यहोर्ने भनिएको थियो । डब्लुडब्लु एफ, प्रकृति संरक्षण कोष, जुलोजिकल सोसाइटी अफ लण्डन दाताहरु हुन् ।

तर, सरकारले यस वर्ष गैंडा गणनाका लागि बजेट नछुट्याएकाले बजेट अभाव भएको हो । त्यसैले अर्को वर्ष गैंडा गणना गर्ने र नेपाल सरकारले नै शतप्रतिशत बजेट छुट्याउने प्रस्ताव मन्त्रालयमा पेश गरिएको महानिर्देशक खड्का बताउँछन् ।