टिपरको ठक्करबाट एकजनाको मृत्यु भएको छ। जिल्ला प्रहरी कार्यालय नुवाकोटका अनुसार बट्टारबाट गंगटेतर्फ गइरहेको बा ५ ख २८९८ नम्बरको टिपरले विपरित दिशावाट आइरहेको ना ३३ प ३४६३ नम्बरको मोटरसाइकललाई नुवाकोटको बट्टारमा शुक्रबार बिहान ठक्कर दिएको थियो।

टिपरको ठक्करबाट मोटरसाइकल चालक बट्टारका दिवाकर खनालको घटनास्थलमै ज्यान गएको छ।

ठक्करबाट मोटरसाइकलमा रहेका अर्का एक जना घाइते भएका छन्।

आक्रोशित स्थानीयले ठक्कर दिने टिपरमा आगजनी गरेका छन्।