नेत्र विक्रम चन्द नेतृत्वको नेकपामा लामो समय काम गरेका राजकुमार कुँवर आज राप्रपामा प्रवेश गरेका छन् । राज संस्था बिकासको बाटोमा लाग्ने प्रतिबद्धता गर्दै राप्रपा नेपालमा प्रवेश गरेको कुँवरले बताए ।

कुवरसंगै भगवती कुँवर , अन्जना कुँवर ,कन्चन कुँवर बद्री कुँवर, रुपा कुँवर, बिनोद कुवर आज पार्टी प्रवेश गरेको राप्रपा मकवानपुरले जानकारी दिएको छ ।

‘चुपचाप काम गरिएको बेला , बस्दा पनि आस्थाका कारण पटकपटक राज्यले गिरफ्तार गर्ने गर्दै परिवार समाजमा स्थापित हुन असहयोग भएकोले राप्रपामा प्रवेश गरेको कुँवरले जानकारी दिए ।

राप्रपा मकवानपुरका अध्यक्ष मधु अधिकारीले उनीहरुलाई टिका लगाई पार्टी प्रवेश गराएका हुन् ।
स्थानीय निकायको चुनावमा मकवानपुर प्रहरीले २४ दिन हिरासतमा राखेर छाडेको राजकुमार कुवर पुनः गत फागुन घरमा बसिरहेको बेला प्रहरीले पक्राउ गरि सार्वजनिक मुद्दा दायर गरेको थियो ।