लागू पदार्थ दुर्व्यवसनमा फसेका एक यूवाले आफ्नै श्रीमतिलाई नसाको सुरमा मट्टितेल हाली जलाएका छन् ।
धनुषाको शहिद नगरपालिका वडा नम्बर १ स्थित पुरवारी टोल चिरैया बस्ने २४ वर्षीय मुकेश गोइत यादवले विवाह भएको १० महिना नवित्दै आफनो पत्नी निर्मला यादवलाई घरमा कोही नभएको बेला कुटपीट गर्दै हातखुट्टा बाँधेर जलाइ घरबाट भागेका थिए ।
उनको ७० प्रतिशत भन्दा बढि छाला जलेको छ । जनकपुर अञ्चल अस्पतालमा निर्मलाको उपचार हुन नसकेपछि काठमाडौँ स्थित वर्न होस्पिटलमा उपचार भइरहेको छ ।

घटनापछि निर्मलाका बुवा कामे भुसकुलियाले आगो लगाई ज्यान मार्ने उद्योगमा जिल्ला प्रहरी कार्यालय धनुषामा मुद्दा दर्ता गराएका छन् ।

उनले मुकेश गोइत यादव, मुकेशको बुवा झरी गोइत यादव र उनको आमामाथि ज्यान मार्ने उद्योगमा कारवाहीको माग गर्दै जाहेरी दिएको प्रहरीले जनाएको छ ।