व्यक्ति हत्या गरेको आरोप लागेका देशु चौधरीलाई प्रहरीले २२ वर्षपछि पक्राउ गरेको छ ।

२०५४ साल असोज २५ गते घोराही उपमहानगरपालिका ७ जब्बरपुरका लालध्वज शाही र ध्रुवध्वज शाहीको हत्या गरेको आरोप लागेका सोही ठाउँका चौधरीलाई प्रहरीले आज पक्राउ गरेको हो ।

दाङ प्रहरीका प्रवक्ता डीएसपी विनोदविक्रम शाहीका अनुसार चौधरीलाई दाङ जिल्ला अदालतले २०६६ जेठ २० गते २० बर्ष कैद सजाय तोकेको थियोे । उनी हत्या गरेदेखि नै फरार थिए । फैसला कार्यान्वयनको क्रममा खोजतलासरत प्रहरीले उनलाई ले घरबाटै पक्राउ गरेको हो । चौधरीलाई आजै कारागार पठाइएको छ ।