हेटौंडामा मिस एसईई आईकन अडिसन हुने भएको छ । एक्सपोज नेपाल डटकमको आयोजनामा भोली बैशाख ११ बाट १२ गतेसम्म हेटौँडामा मिस एसइइ आइकनको अडिसन हेटौँडाको नारायणी महलमा हुने भएको छ । अडिसनमा कम्तिमा १५ जनालाई फाईनल राउण्डको लागि काठमाण्डौँमा लगिने कार्यक्रम संयोजक प्रकृति खतिवडाले बताएकी छिन् ।

हेटौँडाको न्युज क्लब नेपालमा आज भएको पत्रकार सम्मेलनमा बोल्दै संयोजक खतिवडाले विद्यार्थीहरुको नेतृत्व तथा ब्यक्तिको विकासको लागि कार्यक्रमले निकै सहयोग गर्ने बताईन् ।

प्रतियोगितामा विजयी हुने प्रतिस्पर्धीहरुलाई विभिन्न युनिभर्सिटी तथा नेपालको टप कलेजमा छात्रबृत्तिको ब्यवस्था गरिएको उनले बताईन् । त्यसैगरि विभिन्न टाईटल विजेताहरुलाई समेत पुरस्कारको ब्यवस्था रहेको उनको भनाई रहेको छ ।

प्रतियोगितामा महिला तथा पुरुष दुबैजनाले सहभागिता जनाउन सकिने समेत उनले बताईन् । प्रतियोगिताको फाईनल अडिसन पार गर्नेहरुले एक महिनासम्म विभिन्न तालिमहरु समेत प्राप्त गर्ने उनले बताईन् । कार्यक्रममा अडिसनको लागि प्रनिसा रिजाल र रश्मि बस्नेतले निर्णायकको भूमिका निर्वहा गर्नेछन् भने कार्यक्रममा हेटौँडाको लागि आर्जना दाहालले संयोजनको भूमिका निर्वाह गरेकि छिन् ।