कैलालीमा ट्रकले ठक्कर दिँदा एक महिलाको ज्यान गएको छ ।

मंगलबार बिहान ना ७ ख ९२३३ न को ट्रकको ठक्करबाट स्थानीय सुनीता रावलको ज्यान गएको हो । ठक्करबाट रावलको ज्यान गएपछि आक्रोसित बनेका स्थानीय प्रदर्शनमा उत्रिएका छन् ।

दोषीमाथि कारबाही र मृतक परिवारलाई क्षतिपूर्तिको माग राख्दै स्थानीय प्रदर्शनमा उत्रिएका हुन् । प्रदर्शनकारीले ठक्कर दिने ट्रक नियन्त्रणमा लिएर तोडफोडसमेत गरेका छन् । प्रदर्शनले अहिले लम्की बजार तनावग्रस्त बनेको छ ।

कैलाली प्रहरीले अवस्था नियन्त्रणमा लिएर समस्या समाधानको प्रयास भइरहेको जनाएको छ ।