मकवानपुरमा चट्याङ लागेर आज एक जनाको मृत्यु भएको छ भने एक जना घाइते भएका छन् ।

चट्याङ लागेर मकवानपुरगढी गाउँपालिका ५ देउरालीकी २७ वर्षीय फूलमाया पाख्रिनको मृत्यु भएको जिल्ला प्रहरी कार्यालय मकवानपुरले जनाएको छ । घरभित्रै बसिरहेकी फूलमायाको चट्याङ लागेर घटनास्थलमै मृत्यु भएको हो ।

साथै मनहरी गाउँपालिका ३ स्थित लामिटारमा बाख्रा चराउँदै गर्दा स्थानीय बृन्दा मोक्तान घाईते भएकी छिन् । उनको हेटौंडा अस्पतालमा उपचार भइरहेको मकवानपुर प्रहरीले जनाएको छ ।

भारतबाट आएको शक्तिशाली चक्रवात ‘फानी’ सँगै चट्याङ परेको हो ।